Қарағанды облысында табиғи өрттердің жағдайы тұрақталды. Ұлытау ауданы бойынша барлық өрттер толығымен сөндірілді. Олардың жалпы ауданы 36538 гектарды құрады.
Ұлытау ауданының екі ауылдық округі - Жангелді және Ақтасты аумағында 28000 га алаңда құрғақ шөп өртенді. Өрт 7 шілде сағат 18:10-да ауыздықталып, 8 шілде сағат 21:00-де сөндірілді.
Шеңбер ауылдық округінде, Қорғасын ауылынан солтүстікке қарай 20 шақырым жерде, 4 шілде күні сағат 19:20-да 4700 га алаңда құрғақ шөп өртенді (7 шілде сағат 17:20-да орнатылды). Өрт 7 шілде күні сағат 17:20-да ауыздықталып, 8 шілде күні сағат 21:00-де сөндірілді.
Дәл сол ауылдық округте, бірақ Қорғасын ауылынан солтүстік-шығысқа қарай 50 шақырым жерде 3500 га құрғақ шөп жанды. Өрт 8 шілде күні сағат 21:00-де сөндірілді.
Амангелді ауылдық округінің Сарлық ауылынан батысқа қарай 70 шақырым жерде 3600 га алаңда құрғақ шөп өртенді. Өрт 8 шілде сағат 21:00-де сөндірілді.
Өртті сөндіруге барлығы 540 адам мен 70 бірлік техника жұмылдырылды.
Ыстық ауа-райы және күшті жел өртті сөндіруде қиындық туғызып, өрттің тез таралуына ықпал етті.
Қарағанды облысы ТЖД
баспасөз қызметі