«Жол бер – қауіпсіздікке бастар жол»: заң мен тәртіп ауладан басталады

  Қазақстан Республикасы Төтенше жағдайлар министрлігінің ұйымдастыруымен «Жол бер» республикалық акциясы және «Заң мен тәртіп» идеологиясы аясында Қарағанды облысында «Аула өрт сөндірушінің көзімен» атты әлеуметтік эксперимент өтті. Іс-шара ауладағы жиналған заттарға байланысты бұзушылықтардың алдын алу мен тұрғын үйлерге өрт және арнайы техниканың кедергісіз өтуін қамтамасыз етуге бағытталған.

  Эксперимент барысында азаматтық қорғау қызметкерлері көпқабатты тұрғын үйлердің аулаларын тексеріп, дабыл сигналына шынайы шығу жағдайын модельдеді. Арнайы назар өтетін жолдың еніне, кіреберістер мен бұрылыстар жанында тұрған автокөліктерге, сондай-ақ өрт сөндіру автоцистернасын орнату және құрал-жабдықты орналастыру мүмкіндігіне аударылды. Кейбір учаскелерде ірі техника үшін маневр жасау қиындықтары анықталды, бұл төтенше жағдайда уақыт жоғалтуға әкеп соғуы мүмкін.

  Іс-шара аясында тұрғындарға түсіндіру жұмыстары мен сауалнама жүргізілді. Азаматтарға көлікті тұраққа дұрыс қою ережесін сақтау және төтенше жағдай қызметтері көлігінің еркін өтуіне жол қалдыру қажеттігі ескертілді. Сауалнамаға қатысқандардың басым бөлігі қауіпсіздік талаптарын қолдап, үй ауласындағы тәртіпті сақтаудың маңыздылығын атап өтті.

  Құтқарушылар тұрғын үйлерге кедергісіз жетуді қамтамасыз ету өрт қауіпсіздігінің міндетті шарты екенін атап өтті. «Заң мен тәртіп» қағидатын іске асыру күнделікті тәртіп пен белгіленген талаптарды сыйлаудан басталады. Арнайы техниканың оқиға орнына уақытылы жетуі тікелей жедел әрекет ету жылдамдығына және адам өмірін құтқаруға әсер етеді.