ҚР ІІМ мен БҰҰ ЕҚБ бірлескен жобалар мен өзара іс-қимылдың басымдықтарын талқылады

Ішкі істер министрлігінде Ішкі істер министрі Ержан Саденовтың БҰҰ-ның Ауғанстан бойынша Бас хатшысының арнайы өкілі Роза Отунбаевамен және БҰҰ-ның Ауғанстандағы, Орталық Азиядағы, Ирандағы және Пәкістандағы Есірткі және қылмыс жөніндегі басқармасының (БҰҰ ЕҚБ) өңірлік өкілі Оливер Штолпемен кездесуі өтті. 

Тараптар қолданыстағы бірлескен бастамаларды іске асыру қорытындыларын шығарып, одан әрі ынтымақтастықтың басым бағыттарын талқылады. 

Киберқылмысқа қарсы іс-қимыл, есірткінің заңсыз айналымына қарсы күрес, пенитенциарлық жүйені дамыту және құқық қорғау органдарының әлеуетін нығайту басты назарда. 

Кездесу қорытындысы бойынша серіктестікті кеңейтіп, жаңа бірлескен жобаларды іске асыру мәселесі қаралды.