Табиғи сипаттағы төтенше жағдайлар – қауіпті табиғи құбылыстар (геофизикалық, геологиялық, метеорологиялық, агрометеорологиялық, гидрогеологиялық қауіпті құбылыс), табиғи өрттер, эпидемиялар, ауыл шаруашылығы өсiмдiктерi мен ормандардың аурулармен және зиянкестермен зақымдануы салдарынан қалыптасқан төтенше жағдайлар.
Төтенше жағдайдың туындауының немесе туындауының алғышарттары туралы ақпарат «112» бірыңғай кезекші-диспетчерлік қызметіне келіп түседі, кейіннен өз құзыреті шегінде шұғыл қызметтерге ден қою жөніндегі іс-қимылдарды үйлестіреді.
Қазіргі уақытта Үкіметтің 2024 жылғы 18 маусымдағы № 479 қаулысымен Жаһандық және өңірлік ауқымдағы төтенше жағдайларды жою жөніндегі іс-қимыл жоспарына (бұдан әрі-іс-қимыл жоспары), жақын маңдағы өңірлерден күштер мен құралдарды тартуды және әуе көлігімен құтқару бөлімшелері мен медицина қызметкерлерін жіберуді ескере отырып, бірінші эшелонды топтастыруды, сондай-ақ басқа өңірлерден тартылатын құтқару бөлімшелері мен медицина қызметкерлері санын көбейту бөлігінде қайта қарау.
Қабылданған іс-шаралар мемлекеттік және жергілікті атқарушы органдардың өзара іс-қимылдың жоғары деңгейін қамтамасыз етуге мүмкіндік береді.
ТЖМ аумақтық бөлімшелері жергілікті атқарушы органдармен бірлесіп су тасқыны, өрт қауіпті кезеңдерге, шомылу маусымына дайындық және өту мәселелері бойынша халықты оқыту және хабардар ету, жер сілкінісі кезіндегі іс-қимыл тәртібін жүргізеді. Сондай-ақ, ақпараттандыру интернет-ресурстар және әлеуметтік желілер, LED экрандарда бейнероликтерді тарату арқылы жүргізіледі.
Жалпы өңірлер бойынша су тасқынына қарсы іс-шаралар облыстардың бағдарламалық құжаттарына сәйкес жыл сайын жоспарлы түрде орындалады. Бұл өзен арналарының түбін тереңдету, кеңейту, бөгендермен бөгеттерді салу және қалпына келтіру, ГТҚ салу және жөндеу сияқты жұмыстар.