Жарылғыш материалдар қоймаларындағы өндірістік бақылауды күшейту жөніндегі кеңес

Ағымдағы жылдың 9 қыркүйегінде Қазақстан Республикасы Төтенше жағдайлар министрлігі өнеркәсіптік қауіпсіздік комитетінің Алматы облысы бойынша департаментінде төтенше жағдайлар департаментінің өкілі А.и. Кубракпен және жарылыс жұмыстары мен жарылғыш материалдармен жұмыс жүргізетін ұйымдардың басшыларымен онлайн-кеңес өткізілді.

Кеңес барысында өндірістік бақылауды күшейту, өнеркәсіптік және өрт қауіпсіздігін барынша қамтамасыз ету бойынша қажетті шаралар қабылдау қажеттігі туралы түсіндірілді.

Сондай-ақ, "Азаматтық қорғау туралы" Қазақстан Республикасы Заңының, атап айтқанда, заңның 16-бабы 3-тармағының 12-1) тармақшасының нормалары, ұйымдардың өнеркәсіптік қауіпсіздік саласындағы уәкілетті органның аумақтық бөлімшелеріне қауіпті өндірістік объектілерде жарылыс жұмыстарын жүргізу кезінде қолданылатын жарылғыш заттар мен олардың негізінде жасалған бұйымдарды есепке алу (кіріс, шығыс, беру және қайтару) жөніндегі ақпаратты беру міндеттері туралы түсіндірілді.

Кеңес соңында төтенше жағдайларға жол бермеу жөніндегі іс-шаралар жоспарын әзірлеу және қауіпті өндірістік объектілерде жарылыс жұмыстарын жүргізу кезінде қолданылатын жарылғыш заттар мен олардың негізіндегі бұйымдарды есепке алу (кіріс, шығыс, беру және қайтару) жөніндегі ақпаратты Департаментке тоқсан сайын жіберу туралы шешім қабылданды.