Батыс Қазақстан облысының ТЖД инспекторы прекурсорларды сақтау қоймасын тексерді

    Батыс Қазақстан облысы Төтенше жағдайлар департаментінің Өнеркәсіптік қауіпсіздік басқармасының мемлекеттік инспекторы прекурсорларды сақтау қоймасына тексеру жұмыстарын жүргізді. Аталған тексеру Қазақстан Республикасы Ішкі істер министрлігінің прекурсорлар айналымына лицензия алуға өтінім беру үшін қажетті тиісті қорытынды дайындау мақсатында жолдаған ресми сұранысы негізінде ұйымдастырылды.

   Тексеріс барысында мемлекеттік инспектор өндірістік нысанның қолданыстағы заңнамада белгіленген талаптарға, сондай-ақ өнеркәсіптік қауіпсіздік стандарттарына сәйкестігін жан-жақты әрі кешенді түрде бағалады. Бұдан бөлек, инспектор ұйым өкілдерімен қауіпсіздік ережелерін қатаң сақтау және бұзушылықтардың алдын алу бойынша түсіндіру жұмыстарын жүргізді.