Маңғыстау облысында «112 Resort Aktau» ведомстволық демалыс базасы таныстырылды

Маңғыстау облысында өтіп жатқан көшпелі семинар-кеңестің екінші күнінде ҚР ТЖМ Өнеркәсіптік қауіпсіздік комитетінің төрағасы Рашид Дубаев бастаған делегация өкілдері «112 Resort Aktau» ведомстволық демалыс базасының жұмысымен танысты. Аталған нысан азаматтық қорғау органдарының қызметкерлері мен олардың отбасы мүшелерінің денсаулығын нығайтуға әрі жан-жақты демалысын ұйымдастыруға бағытталған. Кешен аумағында заманауи тұрмыстық бөлмелер, мамандандырылған оңалту орталығы, спорт алаңдары мен инфрақұрылымды демалыс аймақтары қарастырылған. Төтенше жағдайлар қызметкерлерінің физикалық және психологиялық тұрғыдан қайта қалыпқа келуіне барлық қажетті жағдай жасалған.