Атырау облысы ТЖД АГҚС иелерімен қауіпсіздік мәселесі бойынша жиын өткізді

    Атырау облысының Төтенше жағдайлар департаментінде автогаз құю станцияларының иелері мен операторларына арналған арнайы кездесу ұйымдастырылды.

Департамент басшысының орынбасары төрағалық еткен жиынның негізгі мақсаты – саладағы өнеркәсіптік қауіпсіздік талаптарының сақталуын қамтамасыз ету және инфрақұрылымның техникалық жай-күйіне тиісті бақылау орнату болды.

    Кездесу барысында салалық заңнаманың нормалары жан-жақты қарастырылып, кәсіпкерлерге келеңсіз оқиғалардың алдын алу бойынша жүктелетін жауапкершіліктер түсіндірілді. Атап айтқанда, объектілердегі техникалық қауіпсіздікті күшейту, жабдықтардың жарамдылығын тұрақты тексеру және халықтың қауіпсіздік деңгейін арттыру мәселелеріне баса назар аударылды.

     Кәсіпкерлермен болған еркін пікір алмасу форматында қатысушылар өздерін толғандырған өзекті сұрақтарды ортаға салып, құзырлы орган өкілдерінен нақты жауаптар алды.

Қауіпті өндірістік нысандардағы төтенше жағдайлардың алдын алуға бағытталған мұндай профилактикалық шаралар мемлекеттік қадағалаудың тиімді тетігі ретінде алдағы уақытта да тұрақты түрде жалғасын табады.