Білім алушыларға өнеркәсіптік қауіпсіздік саласы бойынша кәсіби бағдар берілді

Алматы қаласы ТЖД Өнеркәсіптік қауіпсіздік басқармасы Жол картасын іске асыру шеңберінде Қ.И. Сәтбаев атындағы ҚазҰТЗУ және Ғ. Дәукеев атындағы АЭжБУ студенттерімен кездесу өткізді. Үшжақты меморандум негізінде ұйымдастырылған іс-шара барысында болашақ мамандарға салалық қауіпсіздік негіздері түсіндіріліп, кәсіби қолдау көрсету жұмыстары жүргізілді.  Бұл бастама алдағы уақытта білікті кадрлар даярлау мен өндірістік қауіпсіздік мәдениетін қалыптастыруға септігін тигізбек.