Қостанай облысының әкімі Қ.І.Ақсақалов жұмыс сапарымен Сарыкөл ауданына барды.

Аймақ басшысы 691 адам тұратын Крылов ауылының тұрғындарымен кездесті. Кездесуде ол халықты толғандыратын әлеуметтік мәселелерге баса назар аудара отырып, Қазақстанды жаңғыртудың негізгі бағыттары туралы халықты хабардар етті, проблемалық мәселелерді шешудің жолдары мен мерзімдерін түсіндірді.
Бүгінгі таңда Сарыкөл ауданы бойынша сумен жабдықтау қызметтеріне қолжетімділік 99,8% -. құрайды, 2023 жылдың аяғына дейін мәселе 100% шешілуі тиіс.
Сарыкөл ауданының көлік инфрақұрылымына ағымдағы жылы 221,5 млн. теңге бөлінді, бұл өткен жылдан 1,8 есе көп.
Сарыкөл ауданында білім беру саласына бөлінген қаражат сомасы 2023 жылы 107,1 млн. теңгені құрады, бұл өткен жылдан 2,3 есе көп.
Биыл Сарыкөл ауданында Денсаулық сақтау саласына 255,6 млн. теңге бағытталды, өткен жылы ауданда бұл салаға қаражат бөлінбеді.
Тәгіл кентіндегі фельдшерлік-акушерлік пункт ғимаратына 25,0 млн. теңге сомасына ағымдағы жөндеу жүргізіледі, 230,0 млн.теңге материалдық-техникалық базаны нығайтуға жұмсалады.
Кейін облыс әкімі Крылов жалпы білім беретін мектебіне барды. 1979 жылы салынған бұл нысан ағымдағы жөндеуді қажет етеді.
"Спорт залының шатырын жөндеу, бірінші және екінші қабаттағы терезелерді, кіреберісті, жылыту жүйесін, электр сымдарын ауыстыру қажет. Мектептің аумағы да қоршауды қажет етеді. Мектепте пәндік кабинеттер (биология, химия, физика, ЛМК), интерактивті панельдер қажет",- деді мектеп директоры Н. Позднякова
Сапар барысында өңір басшысы ауылдың медициналық пунктіне барды. Бұл нысан да күрделі жөндеуді қажет етеді.
Сорочин ауылдық округінде өңір басшысы "Олжа Арыстан ПК4" ЖШС мал фермасының жұмысымен танысты.
Аудандық ауруханаға барған кезде бас дәрігердің міндетін атқарушы В.Селицкая облыс әкіміне Сарыкөл РБ ғимаратына күрделі жөндеу қажет екенін баяндады. 1 258 695,5 мың теңге сомасына күрделі жөндеу ЖСҚ әзірленді. Қазіргі уақытта ЖСҚ мемлекеттік сараптамада.
"Мемлекет ауданды дамыту үшін бар мүмкіндікті пайдаланады. Дегенмен, жергілікті кәсіпкерлер де бұл істен шетте қалмауы керек. Мемлекеттің қолдауына ие әрбір кәсіпкер халық алдында өзінің әлеуметтік жауапкершілігін барынша сезінуі тиіс", - деп атап өтті облыс әкімі.