Жұмыс жоспарына сәйкес, Қостанай облысы әкімі аппаратының әдеп жөніндегі уәкілі С.Б. Қоқышевпен Қостанай облысы әкімдігінің мемлекеттік сәулет-құрылыс бақылау басқармасының ұжымымен кеңес өткізілді.
Мемлекеттік қызметте болу кезеңінде қолданыстағы заңнама нормаларын сақтау, тәртіптік істерді қарау, сондай-ақ тәртіптік жазаларды мерзімінен бұрын алып тастау, анонимді сауалнама жүргізу нәтижелері, сондай-ақ, қызметтік көлікті тек қана нысаналы мақсатта пайдалану, құмар ойындарға қатысудың салдары және ҮББ-4 жобасын іске асыру мәселелері бойынша сұрақтар көтерілді.
Мемлекеттік қызметшілердің бұзылған құқықтарын қорғау мен қалпына келтіру және қосымша іс-шаралармен айналысу құқықтары туралы сұрақтар талқыланды.
Қызметшілердің Әдеп кодексінің, мемлекеттік қызмет туралы, сыбайлас жемқорлыққа қарсы іс-қимыл туралы заңнама нормаларын, белгіленген шектеулер мен тыйым салуларды сақтауы бойынша түсініктемелер берілді.
Ұжымдарда іскерлік және достық қарым-қатынасқа, моральдық-психологиялық ахуалға қолдау көрсету, автокөлік құралдарын ұтымсыз және тиімсіз пайдалану фактілеріне жол бермеу, қажет болған жағдайда мұндай жағдайларға жол бермеу жөнінде тиісті шаралар қолдану керек.
Құмар ойындарға қатысудың жағымсыз салдары туралы қызметшілер арасында жұмыс жүргізу тиіс.
Өңірлерде сыбайлас жемқорлыққа қарсы саясат тұжырымдамасын іске асыру шеңберінде аудан және қала әкімдіктерін, сондай-ақ квазимемлекеттік секторды ҮББ-4 жобасы бойынша қамти отырып, міндеттерді орындау туралы, сондай-ақ тәртіптік жазаларды мерзімінен бұрын алып тастауға назар аудару, осы институт бойынша формализмге жол бермеу туралы қызметшілердің назарына жеткізілді.