«Қостанай облысы әкімдігінің жұмылдыру дайындығы, аумақтық және азаматтық қорғаныс басқармасы» ММ «Мамандандырылған базасы» КММ «экономист» бос азаматтық лауазымға орналасуға конкурс жариялайды:
Лауазымдық жалақысы еңбек сіңірген жылдарына байланысты 159 627 теңгеден 188 048 теңгеге дейін.
Функционалдық міндеттері: бюджеттік өтінімді қалыптастыру және жасау, ұйым жұмысының бағыттары бойынша есеп айырысу, шығыстарды қадағалау, бюджетті пайдалану жөніндегі есеп, құжаттарды ресімдеудің заңдылығы мен дұрыстығын қамтамасыз ету, қаржылық қызметті жоспарлау, үнемдеу режимін әзірлеу, қолда бар бюджетті жоспарлауды жүзеге асыру.
Конкурсқа қатысушыларға қойылатын талаптар: нақты лауазымның функционалдық міндеттерін орындау үшін қажетті қолданыстағы заңнаманы білу; кадрларды даярлаудың тиісті бағыты бойынша жұмыс өтіліне талаптар қоймай жоғары (немесе жоғары оқу орнынан кейінгі) білім беру немесе тиісті мамандық (біліктілік) бойынша техникалық және кәсіптік, орта білімнен кейінгі (арнаулы орта, кәсіптік орта) білім және мамандық бойынша жұмыс өтілі кемінде 5 жыл.
Конкурс Денсаулық сақтау және әлеуметтік даму министрінің 2015 жылғы 25 желтоқсандағы №1017 бұйрығымен бекітілген «Мемлекеттік білім беру ұйымының бірінші басшысы мен педагогын қоспағанда, азаматтық қызметке кіру және азаматтық қызметшінің бос лауазымына орналасуға конкурс өткізу қағидалары» негізінде өткізіледі.
Әңгімелесуге қатысуға жіберілген үміткерлер, оны құжаттарды қабылдау мерзімі аяқталғаннан кейін 5 жұмыс күні ішінде «Қостанай облысы әкімдігінің жұмылдыру дайындығы, аумақтық және азаматтық қорғаныс басқармасы» ММ «Мамандандырылған базасы» КММ өтеді.
Қажетті құжаттар тізімі:
Өтініш;
Жеке басын куәландыратын құжаттың көшірмесі;
Кадрларды есепке алу бойынша толтырылған жеке іс парағы (нақты тұрғылықты мекен-жайы мен байланыс телефондары көрсетілген);
Лауазымға қойылатын біліктілік талаптарына сәйкес білімі туралы құжаттардың көшірмелері;
Еңбек қызметін растайтын құжаттың көшірмесі;
«Денсаулық сақтау саласындағы есепке алу құжаттамасының нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қарашадағы №ҚР ДСМ-175/2020 бұйрығымен бекітілген нысан бойынша денсаулық жағдайы туралы анықтама;
Сыбайлас жемқорлық қылмыс жасағаны туралы мәліметтердің болуы немесе болмауы туралы анықтама.
Көрсетілген құжаттардың біреуінің болмауы құжаттарды қатысушыға қайтару үшін негіз болып табылады.
Конкурсқа қатысу үшін қажетті құжаттар осы конкурс өткізу туралы хабарландыру бұқаралық ақпарат құралдарының ресми басылымында соңғы жарияланған сәттен бастап күнтізбелік 15 күн ішінде қолма-қол немесе пошта арқылы ұсынылуы тиіс. Мекенжай: Қостанай қ., Гоголь к-сі, 79А. Телефон/факс: 52-40-02. Электрондық мекенжай: teroboronakostanay@yandex.ru
