Контакты для связи

Телефон приемной:

E-mail:

g.musagazina@kostanay.gov.kz

Аккаунты соц. сетей:

Мұсағазина Гүлбарам Ғизатқызы

Қостанай облысы әкімінің орынбасары

Общая информация, образование

Гүлбарам Ғизатқызы Мұсағазинаның жоғары білімі бар. 1997 жылы Қостанай ауыл шаруашылығы институтын АӨК экономика және менеджмент мамандығы бойынша, 2003 жылы А.Байтұрсынов атындағы Қостанай мемлекеттік университетін Құқықтану мамандығы бойынша, 2020 жылы М. Дулатов атындағы Қостанай инженерлік-экономикалық университетін экономика мамандығы бойынша (экономика ғылымдарының магистрі) тәмамдаған.

Карьера

Еңбек жолын 1997 жылдың тамыз айынан бастап Қостанай облысы Жітіқара ауданының салық бөлімінің салық инспекторы болып бастады.

1999 жылдың қаңтарынан 2000 жылдың қазанына дейін Қостанай облысы Жітіқара ауданы Забеловка ауылының «Забеловка» жауапкершілігі шектеулі серіктестігінің есеп үстелінің бухгалтері болып жұмыс істеді.

2000 жылғы қазаннан 2010 жылғы қаңтарға дейін Қазақстан Республикасы Қаржы министрлігі Қаржылық бақылау комитетінің Қостанай облысы бойынша Қаржылық бақылау инспекциясының әртүрлі лауазымдарында жұмыс істеді.

2010 жылғы қаңтардан 2012 жылғы маусымға дейін Қазақстан Республикасының Бас прокуратурасы әлеуметтік-экономикалық саладағы заңдылықты қадағалау департаментінің аға прокуроры қызметін атқарды.

2012 жылғы маусымнан 2019 жылғы сәуірге дейін – Қазақстан Республикасы Қаржы министрлігі Ішкі мемлекеттік аудит комитетінің Қостанай облысы бойынша ішкі мемлекеттік аудит департаментінің басшысы қызметін атқарды.

2019 жылдың сәуірден 2024 жылғы шілдеге дейін - Қостанай облысы әкімдігінің экономика және бюджеттік жоспарлау басқармасының басшысы.

2024 жылғы шілде айынан бастап қазіргі уақытқа дейін - Қостанай облысы әкімінің орынбасары.

 

 

1. Қамтамасыз етеді:

- Қостанай облысының аумағында экономика, бюджеттік жоспарлау, қаржы, мемлекеттік сатып алу, коммуналдық меншік пен тұрғын үй қорын басқару, денсаулық сақтау, жұмыспен қамтуды үйлестіру және әлеуметтік бағдарламалар салаларында мемлекеттік саясат пен өңірлік бағдарламалардың уақтылы, сапалы және толық орындалуын;

- Қазақстан Республикасы Президентінің, Қазақстан Республикасы Премьер-Министрінің, Қазақстан Республикасы Президенті Әкімшілігінің, Қазақстан Республикасы Мемлекеттік кеңесшісінің, Қазақстан Республикасы Үкіметі Аппаратының актілері мен тапсырмаларын, Қостанай облысы әкімі мен әкімдігінің актілері мен тапсырмаларын уақтылы, сапалы және толық орындалуын;

- Қазақстан Республикасы Президентінің Әкімшілігімен, Қазақстан Республикасы Үкіметінің Аппаратымен, Қазақстан Республикасының орталық мемлекеттік органдарымен және олардың аумақтық бөлімшелерімен, өзге де мемлекеттік органдармен және мекемелермен өзара іс-қимыл жасауды;

- жетекшілік ететін бағыттар бойынша заңдардың, Үкімет қаулыларының, Премьер-Министр өкімдерінің, Президент актілерінің, апелляциялық, кассациялық, жеке шағымдардың жобаларын келісуді.

2. Ұйымдастырады:

-  әлеуметтік-экономикалық даму басымдықтарын тиімді іске асыруға ықпал ететін бюджет жобасын әзірлеу, уақтылы және сапалы жоспарлау жөніндегі жұмыстарды;

- бюджетті жоспарлау және атқару жөніндегі жұмыстарды;

- коммуналдық меншікті және тұрғын үй қорын басқару жөніндегі жұмыстарды;

- мемлекеттік сатып алуды өткізу, уәкілетті органмен, мемлекеттік сатып алу саласындағы бірыңғай оператормен, мемлекеттік аудит және қаржылық бақылау органдарымен өзара іс-қимыл жасау жөніндегі жұмыстарды;

- еңбек нарығын дамыту, халықты жұмыспен қамтуға жәрдемдесу және жұмыссыздық деңгейін төмендету жөніндегі шараларды іске асыру жөніндегі жұмыстарды;

- Қазақстан Республикасының заңнамасына сәйкес арнаулы әлеуметтік қызметтер көрсету, денсаулық сақтау саласындағы арнаулы әлеуметтік қызметтер саласындағы денсаулық сақтау ұйымдарының қызметін, сондай-ақ әлеуметтік-еңбек саласының өзге де шараларын үйлестіру жөніндегі жұмыстарды;

- сапалы және қолжетімді медициналық қызметтер көрсету, халықтың денсаулығын сақтау және салауатты өмір салтын қалыптастыру жөніндегі жұмыстарды.

3. Үйлестіреді:

- экономика, бюджеттік жоспарлау, қаржы, мемлекеттік сатып алу, коммуналдық меншікті және тұрғын үй қорын басқару, денсаулық сақтау, жұмыспен қамтуды үйлестіру және әлеуметтік бағдарламалар салаларында бағдарламалар мен кешенді іс-шараларды жүзеге асыру бойынша аумақтық органдардың өзара іс-қимылын;

- жүктелген өкілеттіктер шеңберінде квазимемлекеттік сектор ұйымдарымен, кәсіпкерлік субъектілерімен, халықаралық және қоғамдық ұйымдармен, қорлармен, сондай-ақ басқа да кәсіпорындармен өзара іс-қимыл жасауды.

4. Басшылықты жүзеге асырады:

- экономика, бюджеттік жоспарлау, қаржы, мемлекеттік сатып алу, коммуналдық меншікті және тұрғын үй қорын басқару, денсаулық сақтау, жұмыспен қамтуды үйлестіру және әлеуметтік бағдарламалар бағыттары бойынша жұмысты жүзеге асыратын әкімдіктің құрылымдық бөлімшелеріне.

5. Аумақтық консультативтік және үйлестіру кеңестерін, комиссияларды (жүктелген өкілеттіктер шеңберінде) басқарады.