«Таза Қазақстан» акциясы аясында Придорожное ауылын абаттандыру

«Таза Қазақстан» республикалық экологиялық акциясы аясында Придорожное ауылында абаттандыру және санитарлық тазалық жұмыстарын жүргізу жалғасуда.

Ұйым қызметкерлерінің, ауыл шаруашылығы тауарын өндірушілердің, кәсіпкерлердің және ауылдың белсенді тұрғындарының бірлескен күш-жігерінің арқасында көшелер мен қоғамдық аумақтарды тазалау, жол жиектерін ретке келтіру, арамшөптерді шабу, қоқысты шығару, сондай-ақ ортақ пайдаланылатын орындарды абаттандыру жұмыстары жүйелі түрде жүргізілуде.

«Таза Қазақстан» акциясының басты мақсаты – тазалықты сақтау ғана емес, сонымен қатар тұрғындардың экологиялық мәдениетін қалыптастыру, қоршаған ортаға ұқыпты қарауды насихаттау және ауыл тұрғындары үшін қолайлы өмір сүру ортасын қалыптастыру.

Туған ауылымызды көркейту ісіне белсенді атсалысып жүрген барлық азаматтарға шынайы алғысымызды білдіреміз. Тек бірлескен еңбектің арқасында ғана Придорожное ауылын таза, көрікті әрі жайлы ете аламыз.

Ауыл тұрғындары мен қонақтарын тазалықты сақтауға, қоғамдық мүлікке ұқыпты қарауға және өз аулалары мен оған іргелес аумақтардың тазалығын қамтамасыз етуге шақырамыз. Таза ауыл – әрқайсымыздан басталады!