9 мамыр күні Ұлы Отан соғысында қаза тапқан жауынгерлерге арналған ескерткіш жанында гүл шоқтарын қою рәсімі өтті.

Округ тұрғындары батырлардың рухына тағзым етіп, бейбіт өмір мен азаттық сыйлаған ерлерді еске алу үшін жиналды.

Костряков ауылдық округінің әкімі Гончарук Светлана Александровна сөз сөйлеп, ардагерлердің ерлігін ұмытпай, оны келер ұрпаққа жеткізудің маңыздылығын атап өтті.

Жиналғандар соғыстан оралмаған боздақтарды бір минут үнсіздікпен еске алды.
Халықтың ерлігі мен батырлардың рухы жүрегімізде мәңгі сақталады.