Сыбайлас жемқорлық тәуекелдерін ішкі талдау

«Сыбайлас жемқорлыққа қарсы іс-қимыл туралы» 2015 жылғы 18 қарашадағы Қазақстан Республикасы Заңының 8-бабы 5-тармағына, Қазақстан Республикасының Мемлекеттік қызмет істері және сыбайлас жемқорлыққа қарсы Агенттігі төрағасының 2016 жылғы 19 қазандағы № 12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес, «Қостанай облысы әкімдігінің жолаушылар көлігі және автомобиль жолдары басқармасы» ММ-де 2023 жылғы 15 мамырынан бастап 10 маусымы аралығында сыбайлас жемқорлық тәуекелдеріне ішкі талдау жүргізіліп жатыр.

Басқарма қызметінің талданатын кезеңі:

2022 жылдың 2-жартыжылдығы, 2023 жылдың 1- тоқсаны.

Басқарма қызметіндегі сыбайлас жемқорлық тәуекелдерін ішкі талдау мынадай бағыттар бойынша жүзеге асырылады:

1) Құрылымдық бөлімшелердің қызметін және жалпы Қостанай облысы әкімдігінің жолаушылар көлігі және автомобиль жолдары басқармасының қызметін, оның ұйымдастырушылық-басқарушылық қызметін реттейтін құқықтық актілерде және ішкі құжаттарда сыбайлас жемқорлық тәуекелдерін анықтау (персоналды басқару, мүдделер қақтығысын реттеу, Мемлекеттік қызметтер көрсету, рұқсат беру функцияларын іске асыру, бақылау функцияларын іске асыру, мыналардан туындайтын өзге де мәселелер ұйымдастыру-басқару қызметі);

2) құрылымдық бөлімшелер мен Басқарманың қаржылық қаражатты игеру және бөлу, мемлекеттік сатып алуды жүргізу, шарттар жасасу, облыстық маңызы бар автомобиль жолдарында ҚМЖ орындау, автомобиль көлігімен жолаушылар тасымалын ұйымдастыру жөніндегі қызметінде сыбайлас жемқорлық тәуекелдерін анықтау;

3) "Қостанай облысы әкімдігінің жолаушылар көлігі және автомобиль жолдары басқармасының Қостанай ауданаралық жол-пайдалану кәсіпорны"КМК ведомстволық бағынысты квазимемлекеттік кәсіпорнының қызметінде сыбайлас жемқорлық тәуекелдерін анықтау.