Қостанай облысында АПВ-ға қарсы вакцинация жалғасуда

 

 

«Адам папиллома вирусымен (АПВ) байланысты онкологиялық аурулардың алдын алу шараларын күшейту мақсатында Қазақстанда вакцинацияланатындардың жас санаты кеңейтілді. Енді 14 пен 17 жас аралығындағы қыздар екпені ерікті түрде ала алады», – деп хабарлады Қостанай облысы Санитариялық-эпидемиологиялық бақылау департаменті басшысының орынбасары Гүлім Досумова.

Оның айтуынша, вакцинация ақпараттандырылған келісім алынғаннан кейін білім беру ұйымдарының медициналық кабинеттерінде немесе тіркелген жері бойынша емханаларда жүргізіледі. Вакцина – АПВ-дан туындайтын аурулардың, соның ішінде жатыр мойны обырының алдын алудың ең тиімді тәсілі.