Облыс әкімінің тапсырмасы бойынша өңірде әлеуметтік және инфрақұрылымдық объектілердің дамуына ерекше назар аударылады

Облыс әкімінің тапсырмасы бойынша өңірде әлеуметтік және инфрақұрылымдық объектілердің дамуына ерекше назар аударылады. Осыған байланысты аудан әкімі А. Жаныспаев жұмыс сапары аясында қаланың бірқатар әлеуметтік және инфрақұрылымдық объектілерін аралады.
🔹5 шағын аудандағы жаңа сауда ойын-сауық орталығының құрылысы барысымен танысты. Сауда алаңдарын ашу ағымдағы жылдың соңына жоспарланған. Сонымен қатар кешенді көзқарас пен жедел шешімді талап ететін бірқатар техникалық мәселелер әлі де бар.
🔹 Қалпына келтіру жұмыстары жүргізіліп жатқан бұрынғы Пионерлер үйінің ғимаратын қарап шықты. Ғимарат көппәтерлі тұрғын үй ретінде қайта жаңартылды, қазіргі уақытта пәтерлерде ішкі әрлеу жұмыстары жүргізілуде.
🔹 Сондай-ақ Пригородный ауылында болып, Мәдениет үйінің іргелес аумағын абаттандыру жұмыстарын және жаңа аллеяның құрылысын тексерді. Бұл жобаны іске асыру биылғы жылы Комаровское тау-кен кәсіпорнымен ынтымақтастық аясында жүзеге асырылмақ.