Жол инфрақұрылымы — басты назарда

Биыл облыстың автожолдарын дамытуға рекордтық сома — 102 миллиард теңге бөлінді. Бұл өткен жылмен салыстырғанда 40%-ға артық.
Жөндеу жұмыстары 1300 км жолды және 103 елді мекендегі 400-ден астам көшені қамтиды.

🔹 57 ауылға баратын кірме жолдарға алғаш рет жөндеу жүргізілуде
🔹 98 ауылдағы 293 көшеге алғаш рет асфальт төселеді
🔹 Ауылдарда 40 км жаяу жүргінші жолдары салынады
🔹 Тек Қостанай қаласының өзінде 90 көшеде жөндеу жүргізілуде — жұмыстар қазан айына дейін аяқталады
Сапаға бақылау — бірінші орында. Барлық жұмыс зертханалық тексеруден өтеді.
Ауыр салмақты көліктердің қозғалысын бақылауға да ерекше мән берілуде. Қазірдің өзінде бұзушылықтарды автоматты түрде тіркейтін жүйелер іске қосылған.
⚖️ Осыған байланысты «Автомобиль көлігі туралы» заңға өзгерістер енгізілді:
📅 2026 жылғы 1 қаңтардан бастап рұқсат етілген салмақтан асатын самосвалдардың жолдармен қозғалуына тыйым салынады.
Бұл жол жабындысының сақталуы мен қозғалыс қауіпсіздігі үшін маңызды қадам.
Жақсы жол — бұл жайлылық қана емес, ол экономиканың өсуі, инвестициялар мен ауыл мен қаланың тең дамуының негізі.