Қостанай облысында коронавирустық инфекция бойынша эпидемиологиялық жағдай туралы ақпарат

2021 жылғы 1 наурызда Қостанай облысында COVID-19-дың 62 жағдайы тіркелді, бір тәулік ішінде сырқаттанушылықтың өсу қарқыны 0,50 % құрады.
Ауырғандар: Қостанай қаласының 36 тұрғыны, Рудный қаласы және Әулиекөл ауданында 6-дан, Денисов ауданында -5, Қостанай ауданында -4, Жітіқара ауданында-3, Алтынсарин және Меңдіқара аудандарында 1-ден.
41 адам ауруханаға өздігінен жүгінген кезде тексерілді, 17 адам коронавирустық инфекцияның нақтыланған жағдайлармен байланыста болған, 4 жағдай профилактикалық мақсатта тексерілді.
Індет жұқтырғандардың ішінде 45 адамда ауру белгілері болды, 17 адам – белгілерсіз.
Жалпы Қостанай облысында 2020 жылғы 03 сәуірден бастап 2021 жылғы 1 наурыз аралығында COVID-19-дың 12436 жағдайы тіркелді.
Емделіп шыққан адамдардың саны – 10976.