Қиын өмірлік жағдай (ҚӨЖ) деген не?

Қазақстан Республикасында қиын өмірлік жағдай — бұл адамның өмірін күрт қиындататын және оны өз бетінше еңсере алмайтын жағдайлар.

Оған мыналар жатады: мүгедектік, жетімдік, баспанасыздық, қатыгездік көрсету, ауыр аурулар, жұмыссыздық, қарттық және күтімнің болмауы.

Кім көмек көрсетеді?

Көмек мемлекет тарапынан:

•әлеуметтік қорғау органдары,

•денсаулық сақтау және білім беру ұйымдары,

•Отбасын қолдау орталықтары арқылы көрсетіледі.

Әр адамға жеке көмек жоспары жасалады.

ҚӨЖ қашан танылады?

Егер:

•мүгедектік немесе өзін-өзі күтуге қабілетсіздік болса;

•ата-анасының қамқорлығынсыз қалса;

•кәмелетке толмаған бала қараусыз қалса;

•зорлық-зомбылық немесе қатыгездік көрсе;

•тұрақты тұратын жері болмаса;

•бас бостандығынан айыру орындарынан босатылса;

•әлеуметтік мәні бар аурулар болса.

Қандай көмек көрсетіледі?

•кеңес беру және ақпараттандыру;

•психологиялық және құқықтық қолдау;

•жұмысқа орналасуға жәрдемдесу;

•ҚӨЖ-ден шығуға дейін әлеуметтік сүйемелдеу.

 

Сіздің құқықтарыңыз

ҚӨЖ-дегі әр адам:

•әлеуметтік көмек алуға жүгінуге;

•өз құқықтары туралы ақпарат алуға;

•қызмет көрсетушіні таңдауға;

•лауазымды тұлғалардың әрекеттеріне шағымдануға құқылы.

📌 Маңызды: Егер сіз немесе сіздің жақындарыңыз қиын өмірлік жағдайға тап болсаңыз — көмек жаныңызда. Проблемаман жалғыз қалмаңыз..