2025 жылғы 5 тамызда Жітіқара ауданына «Қостанай облысы әкімінің аппараты» ММ Әдеп жөніндегі уәкілі Қ.Ж. Сүйіндіков келді.

Жұмыс сапары аясында Қ.Ж. Сүйіндіков Жітіқара ауданының әкімі А.А. Жаныспаевпен кездесті, мемлекеттік мекемелердің басшыларымен, ауданның мемлекеттік қызметшілерімен және үкіметтік емес ұйымдармен, ауданның бұқаралық ақпарат құралдарымен семинар өткізді.

Семинарда Қазақстан Республикасының мемлекеттік қызметін дамытудың 2024-2029 жылдарға арналған тұжырымдамасы және мемлекеттік қызмет туралы Қазақстан Республикасы Заңының жаңа жобасы мәселелері қозғалды, мемлекеттік қызметтегі адалдық, парасаттылық және бейтараптық, патриотизм, мемлекеттік органдардың клиентке бағдарлануы, халыққа көрсетілетін мемлекеттік қызметтердің белсенділігі, мемлекеттің сыбайлас жемқорлыққа қарсы саясаты және қоғамдағы отбасылық-тұрмыстық зорлық-зомбылық тақырыптары қаралды. Мемлекеттік қызметшілердің Қазақстан Республикасы Әдеп кодексінің нормаларын сақтауы – мемлекеттік мүлікті тек қана қызметтік мақсатта пайдалану, мерзімнен тыс жұмыс істеуге жол бермеу, ұжымда моральдық-психологиялық ахуалды сақтау, мемлекеттік қызметшілерге арналған әлеуметтік кепілдіктер мәселесі өзекті болып қала бермек.

Сонымен қатар Қ.Ж. Сүйіндіков Қазақстан Республикасы Президентінің жанындағы Мемлекеттік басқару академиясына қызығушылық танытатын бағыттар бойынша түсу, сондай-ақ жастардың Президенттік және Өңірлік жастар кадр резервтеріне қатысуы арқылы мемлекеттік қызметшілерді оқыту мен сауаттылығын арттырудың үздіксіздігі туралы нұсқаулық берді.

Семинар соңында жас мемлекеттік қызметшілермен қабылдау өткізілді, оның барысында Қазақстан Республикасының Әдеп кодексінің нормаларын сақтау, сыбайлас жемқорлыққа қарсы мінез-құлық бойынша түсініктемелер, қызықтыратын сұрақтарға жауаптар берілді.

Қ.Ж. Сүйіндіков Жітіқара ауданының жергілікті атқарушы органдарындағы әдеп жөніндегі уәкіл С.Н. Қасеновпен бірге сыбайлас жемқорлық тәуекеліне неғұрлым бейім ауданның мемлекеттік мекемелері –ауданның қаржы, тұрғын үй-коммуналдық шаруашылық, құрылыс және сәулет бөлімдеріне барды. Сондай ақ мемлекеттік қызметшілердің еңбек жағдайларымен танысу мақсатында ауданның басқа да мемлекеттік мекемелеріне барды.