ЖАЛПЫҒА БІРДЕЙ ДЕКЛАРАЦИЯНЫҢ ҮШІНШІ КЕЗЕҢІ БАСТАЛДЫ

Биыл жалпыға бірдей декларациялау жөніндегі науқанның үшінші кезеңі басталды. 2024 жылдың 1 қаңтарынан бастап жеке декларацияны кәсіпкерлер, сондай-ақ олардың жұбайлары ұсынады. Декларацияда Қазақстан Рес­публикасындағы және шетелдегі барлық мүлік көрсетілуге тиіс. Атап айтқанда, бағалы қағаздар, цифрлық активтер, үлестік қатысу шарттары, 10 мың айлық есептік көрсеткіш (АЕК) немесе 34,5 млн теңге шегіндегі қолма-қол ақша, сондай-ақ шетелдегі жылжымайтын мүлік пен авто­көлік құралдары.

- Декларацияны же­ке кә­сіпкерлер, коммерциялық жә­не коммерциялық емес ұйым­­­дардың заңды тұлғала­ры­­­ның басшылары, соның ішінде дирек­торлар кеңесінің төр­ағала­ры, жеке басшылар, тұрғын үй/саяжай кооперативтерінің төрағалары, заңды тұлғалар­дың құрылтайшылары мен қаты­сушылары тапсыруға міндетті. Филиалдар мен өкілдіктердің басшылары, тұрғын үй/сая­жай кооперативтерінің мүшелері және діни бірлестіктердің бас­тамашы-азаматтары мұндай декларацияны тапсыруға  міндет­телмейді,- деп атап өтті Қостанай облысы бойынша Мемлекеттік кірістер департаментінің өндірістік емес төлемдер басқармасының басшысы Шынар ЖҰМАБАЙ.

Декларацияны тұрғылықты жеріңіз бойынша 2024 жылдың 15 қыркүйегіне дейін тапсыру қажет. Декларацияны «Салық төлеушінің шоты», «Электрондық үкімет» веб-порталы және «e-salyqАzamat», «Halyk», «Bank Centercredit» мобильді қосымшалары арқылы беруге болады.