Рудный қаласында пана ашу

Ағымдағы жылдың 23 қарашасында жануарлар баспанасы ашылды. Бұл оқиғаны зооволонтерлер мен жануарларға бей-жай қарамайтын Рудный қаласының тұрғындары көптен күтіп келді. Баспана «Рудный су арнасы» ЖШС тазарту ғимараттарының аумағында ашылған. Бұл баспанада иттер мен күшіктер бар. Демеушілер аумақты абаттандыруға, қажетті құрал-жабдықтарды сатып алуға көмектесті. Олардың ішінде «ССГПО» АҚ, «Ахметов» ЖК, «Любимый город» ЖК, «Машков» ЖК, «Руднысоколовстрой» АҚ.

Баспана аумағында екі стационарлық жылы үй-жай бар. Бірінде жануарларды стерильдеу бойынша операциялар жүргізіледі, екіншісінде қалпына келтіру үшін операциядан кейінгі кезеңде жануарлар орналасады.

Барлық ит үйшіктері жылы. Жақын арада баспана тағы да 10 вольерге кеңейеді. Жалпы алғанда, ол 100 дараққа дейін жетеді.

Рудный қаласының әкімдігі жергілікті бизнеспен (қоғамдастықпен) бірлесіп баспанаға көмектеседі, ал келесі жылдан бастап «Поможем вместе» ҚБ мемлекеттік тапсырысқа қатысады.

2022 жылдың 23 қарашасында әкімдік пен «Поможем вместе» ҚБ арасында жануарларды қорғау мәселелері бойынша ынтымақтастық туралы меморандум жасалды. Қоғамдық бірлестікке жануарларды аулау және баспанаға жеткізу үшін автокөлік берілді.

Еріктілер көмегі үшін алғыстарын білдіріп, оларға баспана ұстауға қамқор адамдар да көмектеседі деген үміттерін білдірді. Оларға көмекке қосымша екі қоғамдық қызметкер жіберілді.