Ветеринария басқармасының ұжымы «Таза Қазақстан» акциясына белсенді қатысты

«Таза Қазақстан» жалпыұлттық бастамасын іске асыру аясында аумақтарды абаттандыру және тазарту бойынша ауқымды акция өтті.

Қостанай облысы ветеринария басқармасының ұжымы бұл бастаманы белсенді қолдап, сенбілікке қатысты. Іс-шараға ведомстволық бағынысты ұйымдар да тартылды.

Тазалық орны Жеңіс саябағы болды. Басқарма мамандары аумақты қоқыстан тазарту, жасыл аймақтарды санитарлық абаттандыру және тәртіп орнату үшін бекітілген учаскелерге шықты. Осындай іс-шараларға қатысу азаматтық жауапкершілікті және өңірдің экологиялық жағдайын жақсартуға үлес қосуға ұмтылысты көрсетеді.

Басқарма ұжымы облыс тұрғындары үшін таза, қауіпсіз және жайлы орта құруға бағытталған осындай іс-шараларға қатысуға дайын.