Жастар кадрлық резерві бойынша түсіндіру жұмыстары

Қостанай облысы әкімдігінің ветеринария басқармасының ұжымында Қостанай облысы бойынша Мемлекеттік қызмет департаментінің маманы Жастар кадрлық резервіне түсу мәселелері бойынша түсіндіру жұмыстарын жүргізді.

Кездесу барысында басқарма қызметкерлеріне Жастар кадр резервін қалыптастырудың мақсаттары, міндеттері мен кезеңдері, сондай-ақ кандидаттарға қойылатын талаптар мен құжаттарды тапсыру тәртібі түсіндірілді. Резервке қатысу ұсынатын мансаптық өсу мүмкіндіктеріне, сондай-ақ мемлекеттік аппараттың тиімді жұмысы үшін перспективалы жас кадрларды даярлаудың маңыздылығына ерекше назар аударылды.

Аталған іс-шара мемлекеттік қызметшілердің мемлекеттік қызмет саласындағы іске асырылып жатқан бастамалар туралы хабардарлығын арттыруға және мемлекеттік органдарда кәсіби дамуға ұмтылатын жастарды қолдауға бағытталған.