Ветеринария басқармасының мамандары цифрлық гигиена және ақпараттық қауіпсіздік бойынша семинарға қатысты

Ветеринария басқармасының мамандары Жандаулетова Ж.А. және Сулейменов А.Г. «Цифрлық гигиена және ақпараттық қауіпсіздік» тақырыбында мемлекеттік қызметшілердің біліктілігін арттыру бойынша семинарға қатысты.

Іс-шара мемлекеттік қызметшілердің заманауи киберқауіптер, дербес деректерді қорғау тәсілдері және цифрлық кеңістіктегі қауіпсіз жүріс-тұрыс ережелері туралы хабардар болу деңгейін арттыру мақсатында ұйымдастырылды.

Семинар аясында қатысушылар цифрлық гигиенаның негізгі аспектілерімен танысты, соның ішінде:

         * құпия ақпаратты қорғау;

         * қызметтік құрылғыларды пайдалану ережелері;

         * фишингтің және кибер алаяқтықтың басқа түрлерінің алдын алу;

         * күнделікті қызметте ақпараттық қауіпсіздікті қамтамасыз ету.

Мемлекеттік ұйымдарда деректердің ағып кетуіне жол бермеу бойынша тәжірибелер мен шаралардың өзекті жағдайларына ерекше назар аударылды.

Мұндай іс-шараларға қатысу ветеринария басқармасының мамандарына жеке цифрлық сауаттылықты арттырып қана қоймай, алған білімдерін ақпараттық ресурстарды қорғау және ведомствоның жалпы киберқауіпсіздігін арттыру үшін кәсіби қызметте қолдануға мүмкіндік береді.