2025–2026 жылғы жылу беру маусымы басталғалы Қостанай облысында 85 өрт оқиғасы тіркелді, бұл өткен маусыммен шамалас көрсеткіш. Өңірде профилактикалық жұмыс белсенді түрде жалғасуда.

– «Тұрғын сектордағы өрт қауіпсіздігін қамтамасыз ету бойынша іс-шаралар жоспары бекітілді. ТЖ қызметкерлері үйлерді аралап, жылыту құралдарын қауіпсіз пайдалану ережелерін түсіндіреді, оқу материалдары бар QR-кодтар таратады және нұсқаулықтар жүргізеді», – дейді Қостанай облысы ТЖД бастығының орынбасары Өміржан Тұқышев.

Сонымен қатар, әлеуметтік осал топтардың үйлерінде практикалық көмек көрсетілуде. Мұржалар тазартылып, пештер жөнделеді, электр сымдары жаңартылып, көміртегі тотығы датчиктері орнатылады.