Облыс әкіміның тапсырмасы бойынша Ұзынкөл ауданында балалар ойын алаңы орнатылды.

Облыс әкіміның тапсырмасы бойынша Ұзынкөл ауданында балалар ойын алаңы орнатылды

2024 жылдың қыркүйек айында Ұзынкөл ауданының халқымен кездесу барысында өзекті мәселелердің бірі – балалар ойын алаңдарының жетіспеушілігі атап өтілді. Кездесу қорытындысы бойынша облыс әкімі К.И. Аксакалов аудандағы балалар ойын алаңдарының санын арттыру жөнінде тапсырма берді.

Осы тапсырманы орындау аясында 2025 жылы «Олжа Ряжское» ЖШС-нің демеушілік қаражаты есебінен аудан орталығында жаңа заманауи балалар ойын алаңы салынды. Алаң барлық санитарлық және техникалық нормаларға, сондай-ақ қауіпсіздік талаптарына толықтай сәйкес келеді. Мұнда әртүрлі ойын элементтері орнатылған: сырғанақтар, әткеншектер, спорттық жаттығу құралдары және демалуға арналған орындықтар.

Жаңа ойын алаңы балалардың белсенді демалысына арналған танымал орынға айналды. Күн сайын онда ондаған бала ойнап, көңіл көтеріп, уақытын тиімді өткізуде. Мұндай нысандардың орнатылуы өсіп келе жатқан ұрпақтың дамуына жағдай жасап қана қоймай, ауылдық жерлерде жайлы және қауіпсіз ортаны қалыптастыруға да ықпал етеді.

Балаларды ойын алаңдарымен қамтамасыз ету жұмыстары облыс әкімдігінің тапсырмаларына сәйкес аудан көлемінде жалғастырылатын болады.