Сокол ауылындағы ҰОС ескерткішін абаттандыру

Сокол ауылындағы ҰОС ескерткішін абаттандыру

Республикалық «Таза Қазақстан» бағдарламасы аясында Федоров ауылдық округінің Сокол ауылында Ұлы Отан соғысы қаһармандарына арналған ескерткіштің маңында кең көлемді абаттандыру жұмыстары жүргізілді.

Шаралар аясында ескерткіштің айналасы толық тазартылып, қураған ағаштар мен арамшөптер жойылды. Қоршаулар мен плиталар сырланып, ескерткіштегі жазулар жаңартылды. Сондай-ақ жаңа қоқыс жәшіктері мен орындықтар орнатылып, гүлзарлар қалпына келтіріліп, маусымдық гүлдер отырғызылды. Осы жұмыстардың нәтижесінде естелік орны ауыл тұрғындары мен қонақтары үшін көрікті әрі жайлы демалыс орнына айналды.

Мұндай шаралар өскелең ұрпақты патриоттық рухта тәрбиелеуге және ата-бабаларымыздың ерлігін ұмытпауға үлкен ықпал етеді. Ұлы Отан соғысы ескерткіші – халқымыздың батырлығы мен бірлігінің нышаны, ал оның абаттандырылуы – ардагерлер мен келер ұрпақ алдындағы борышымыз.