Қазақстан +997 телефон кодына көшуден бас тартты
Қазақстан +7 телефон кодын өзгеріссіз қалдырады. Цифрлық даму министрлігі жаңа кодқа көшу жүзеге асырылатынын, бірақ бірқатар қаржылық және технологиялық проблемаларға әкеп соқтыратынын түсіндірді/
— Қазіргі уақытта Қазақстан екі елдің байланыс ведомстволары арасында жасалған "Дүниежүзілік нөмірлеудің 7 — аймағының нөмірленуін пайдалану туралы" 2006 жылғы 17 маусымдағы келісімге (бұдан әрі — Келісім) сәйкес Ресей Федерациясымен бірлесіп "+7" интеграцияланған халықаралық кодын пайдаланады. Жеке кодты алу мақсатында 2021 жылы Қазақстанда +997 халықаралық телефон коды сақталған. Байланыс операторларымен жаңа кодқа көшу мәселесін пысықтау барысында жаңа кодқа көшу жүзеге асырылатыны, бірақ бірқатар қаржылық және технологиялық проблемаларға әкеп соқтыратыны атап өтілді, — деп түсіндірді цифрлық даму министрлігі.
Сонымен қатар, отандық байланыс операторларының барлық абоненттері мемлекеттік және банктік қызметтерді, әлеуметтік желілерді және түрлі қосымшаларды алу үшін барлық сервистерде өз деректерін жаңартуы қажет болады. Тиісінше, өтпелі кезеңде сәтсіздіктер мен жағымсыз тәжірибелердің ықтималдығы жоғары.
- Сондай-ақ министрлік халықаралық телекоммуникация одағымен қайта келіссөздер жүргізіп, халықаралық кодты +7 өзгертусіз қалдыру туралы шешім қабылдады. Осыған байланысты Ресей Федерациясының цифрлық даму, байланыс және бұқаралық коммуникациялар министрлігімен Ресей Федерациясының Үкіметі мен Қазақстан Республикасының Үкіметі арасында Дүниежүзілік нөмірлеудің 7-ші аймағының нөмірленуін пайдалану туралы жаңа келісім жасасу мәселесі пысықталды. Қазіргі уақытта жоба мемлекеттік органдармен және мүдделі тараптармен келісілген. Келісу қорытындысы бойынша жоба Ресей Федерациясындағы дипломатиялық арналар арқылы жіберілді -, деп атап өтті ведомствода.
Қазіргі уақытта Ресей Федерациясының жағында мемлекетішілік қайта келісу рәсімдері жүргізілуде. Әрі қарай, жобаны келісу туралы Ресей Федерациясының нотасын алғаннан кейін Келісімге қол қою және қабылдау жұмыстары жүргізіледі. ҚР екі ПП қабылданады.