Кездесуде ауыл тұрғындары ауылға кіреберіс жолды жөндеу, көшелерді жарықтандыру, мектеп кітапханасының жиһаздарын жаңарту, сондай-ақ ұялы байланыс пен интернет желісінің сапасын арттыруға қатысты мәселелерді көтерді. Барлық сұрақтар бойынша Қостанай облысының әкімі жауап беріп, тиісті тапсырмалар берді. Одан кейін жаңадан салынып жатқан медпунктте болып, ауылдың 3 көшесінің орташа жөндеу жұмыстары, саябақты абаттандыру, биылғы жылы ауылда орнатылған ауыз су тарату пункті жұмысына шолу жасады.Сонымен қатар, «Убаған» шекара бөлімі мен «Убаған» (автомобиль) бөлімшесінің бақылау-өткізу пунктінде болды. Соңында Мұхамбетов А.Б. 2022 жылы Қарабаев Болат Жұмашұлы салған «Мирас» шаруа қожалығының жаңа тұрғын үйінде тұратын отбасына барып, оларға сыйлыққа теледидар табыс етті.