Жастар және дін: ата-аналар нені білуі керек?

Ұзынкөл ауданында Ұзынкөл, Ряжское және Новопокровка ауылдарының тұрғындарымен «Жастар және дін: ата-аналар нені білуі керек?» тақырыбында ақпараттық-түсіндіру кездесулері өтті.

Кездесулер барысында қатысушылар діни экстремизмнің алдын алу мәселелерін, жастарға деструктивті діни ағымдардың ықпал ету ерекшеліктерін, сондай-ақ өскелең ұрпақтың сыни ойлау қабілеті мен рухани-адамгершілік құндылықтарын қалыптастырудағы отбасының рөлін талқылады.

Ата-аналардың жастарды деструктивті культтерге тарту тәсілдері туралы хабардарлығын арттыруға, деструктивті діни ықпалдың белгілерін тануға, қауіп-қатер факторларын түсінуге және жастарды радикалды идеологиялардың ықпалына түсуден қорғау шараларына ерекше назар аударылды.

Қатысушылар балалармен сенімді қарым-қатынас орнату, алаңдаушылық тудыратын белгілерді дер кезінде анықтау және қауіпсіздік пен отбасы әл-ауқатының маңызды факторы ретінде отбасылық құндылықтарды нығайту бойынша практикалық ұсынымдар алды.

Іс-шаралар «Қостанай облысы психологтарының қауымдастығы» қоғамдық қорының ұйымдастыруымен, «Ұзынкөл ауданы әкімдігінің ішкі саясат бөлімі» мемлекеттік мекемесінің тапсырысы бойынша өткізілді.