Бірлік көптүрлілікте: Ұзынкөл ауданында ұлтаралық және конфессияаралық келісімді нығайтуға бағытталған жоба бастау алды.

Бүгін Ұзынкөл ауданында ұлтаралық және конфессияаралық келісімді нығайтуға бағытталған жоба өз бастауын алды. Жобаны аудандық ішкі саясат бөлімінің тапсырысы бойынша «Қостанай облысының психологтар қауымдастығы» қоғамдық қоры жүзеге асыруда.

Жобаның ашылуы аясында педагог әрі ақын Александра Суслова Ұзынкөл №1 және №2 мектептерінің, сондай-ақ Федоров және Суворов мектептерінің оқушыларымен тағылымды кездесулер өткізді.

Отанға деген сүйіспеншілікпен, туған жерге деген шынайы ықыласпен ол Қазақстан туралы, достық пен өзара түсіністік жайлы өлеңдерін оқыды. Әртүрлі мәдениет пен дін өкілдері қатар өмір сүретін қоғамда толерантты тұлғаны тәрбиелеу мәселесіне ерекше назар аударылды.

Жоба енді ғана бастау алды. Алда қоғамдағы бірлік пен келісімді нығайтуға бағытталған маңызды әрі мазмұнды жұмыстар күтіп тұр.