Қостанай облысына экология және табиғи ресурстар вице-министрі М. Т. Ошурбаевтың келуі

Ағымдағы жылдың 16 сәуірінде су тасқыны кезіндегі экологиялық ахуал мәселелері бойынша Қостанай облысына жұмыс сапары барысында экология және табиғи ресурстар вице-министрі М.Т. Ошурбаев ҚТҚ полигондарының басшыларымен, жергілікті атқарушы органның, экология, орман шаруашылығы және жануарлар дүниесі департаментінің, санитариялық-эпидемиологиялық және ветеринариялық бақылау өкілдерімен кездесті. Иесіз қалдықтар, жануарлар дүниесі, мал қорымдары, сібір жарасы жерленген жерлер бойынша сұрақтар көтерілді. Аурулардың пайда болу қаупі жоқ екендігі атап өтілді. Өңірде мал қорымдарын, сібір жарасы бар Жерлеу орындарын, ҚТҚ полигондарын, еріген сулармен қалдық қоймаларын су басқан жоқ.

 

Кеңестен кейін ҚТҚ-ның 2 полигоны (Қостанай қаласында-"Тазалық-2012" ЖШС), Қостанай ауданында - "EcoProm" ЖШС) және қауіпті қалдықтарды қайта өңдеу бойынша 1 кәсіпорын ("EkoLabRecycling" ЖШС, Қостанай қаласында) зерттелді. Зерттеу барысында су тасқыны жағдайы жоғарыда аталған объектілердің шайылу қауіпсіздігіне әсер етпегені анықталды.

Өңірде тұрақты негізде аумақтық басқармалар судың сапасына бақылау жүргізеді.

Қазіргі уақытта облыс бойынша табиғи сипаттағы төтенше жағдай салдарынан қоршаған ортаға қауіптің туындауы байқалмайды.