Рудный қаласындағы қоқыс сұрыптау кешенін тексеру және сынамалы іске қосу

Ағымдағы жылдың 31 шілдесінде Рудный қаласында Өнеркәсіпті дамыту қорының қолдауымен «Жасыл даму» АҚ-ның кәдеге жарату алымы есебінен қаржыландырылған экологиялық жобаның табысты іске асырылуымен таныстыру өтті.

«Рудный-Абат-2006» ЖШС жүзеге асырған жоба қатты тұрмыстық қалдықтарды сұрыптауға және ТҚҚ полигоны аумағында құрылыс қалдықтарын өңдеуге бағытталған. Жоба аясында жылына 50 000 тоннаға дейін қалдықтарды өңдейтін қоқыс сұрыптау кешені және жылына 30 000 тоннаға дейін құрылыс қалдықтарына арналған мобильді шредер орнатылды.

Пластик, шыны, қағаз, қаңылтыр және басқа да фракциялар сияқты сұрыпталған материалдар мамандандырылған кәсіпорындарға одан әрі өңдеуге жіберіледі. Шредирлеу процесінде алынатын инертті материал жолдар мен басқа да инфрақұрылымдық объектілерді салу кезінде пайдаланылуы мүмкін.

Жоба айтарлықтай экологиялық әсер береді - қалдықтарды қайта өңдеу көлемі ұлғаяды және полигонға жүктеме азаяды. Мұндай бастамаларды қаржыландыру «Жасыл даму» АҚ бағдарламасының арқасында мүмкін болды, оның аясында кәсіпорындар жылдық 3% -бен 3 жылдан 15 жылға дейін несие ала алады.