Қостанай облысының әйелдер күресі құрамасының қоржынында үш «қола» медаль

Астанада 17 жасқа дейінгі (U-17) спортшылар арасында әйелдер күресінен Қазақстан Республикасының чемпионатының қорытындысы шығарылды. Қостанай облысының өкілдері үш қола жүлдеге ие болды.

Жарыс жүлдегерлері — Жітіқара ауданынан Дарья Граб (46 кг) пен Ксения Ящук (49 кг) (жаттықтырушысы — С.К. Күлмұхамбетов), сондай-ақ Қамысты ауданынан Виталина Казаку (43 кг) (жаттықтырушысы — Нұрсұлтан Баязитов).

Құрама командаға аға жаттықтырушы Марат Жұмабаев жетекшілік етті.