Қостанай күрес мектебі жоғары деңгейін дәлелдеді: ҚР чемпионатынан 4 медаль

Астанада 17 жасқа дейінгі (U17) спортшылар арасында грек-рим күресінен Қазақстан Республикасының чемпионаты аяқталды.

Қостанай облысының құрамасы тамаша нәтиже көрсетіп, төрт жүлде жеңіп алды: үш алтын және бір қола медаль.

Жеңіс тұғырының ең биік сатысына көтерілгендер:
Тимур Құсайынов (71 кг дейін), Николай Хлюпко (92 кг дейін) және
Арыстан Темірғали (110 кг дейін).

Осы 110 кг салмақ дәрежесінде Амир Мурзатаев қола жүлдегер атанды.

Балуандардың бұл жеңісі — А.Ж. Құсайынов, С.Б. Обруч және Ю.Я. Дикуха бастаған жаттықтырушылар құрамының жемісті еңбегінің нәтижесі.

Команданы лайықты жетістігімен құттықтаймыз!