Қостанай облысы әкімдігінің құрылыс, сәулет және қала құрылысы басқармасында Заң және Тәртіп идеологиясын ілгерілету бойынша дәріс өткізілді

Қостанай облысы әкімдігінің құрылыс, сәулет және қала құрылысы басқармасында мемлекеттік қызметшілер үшін 2025–2030 жылдарға арналған қоғамда Заң және Тәртіп идеологиясын ілгерілету тұжырымдамасын іске асыру мәселелеріне арналған дәріс ұйымдастырылды.

Іс-шара барысында азаматтардың құқықтық мәдениетін арттыруға, заң үстемдігі қағидаттарын нығайтуға, жауапкершілік пен әділеттілік құндылықтарын қалыптастыруға бағытталған Тұжырымдаманың негізгі бағыттары қарастырылды.

Дәріс барысында мемлекеттік қызметшілердің қызметтік әдеп нормаларын сақтауы, сыбайлас жемқорлыққа қарсы мәдениетті қалыптастыру, заң талаптарын мүлтіксіз орындау және лауазымдық міндеттерді атқару кезіндегі жеке жауапкершілікті арттыру мәселелеріне ерекше назар аударылды.

Қатысушыларға «Заң және Тәртіп» идеологиясының негізгі қағидаттары түсіндіріліп, азаматтардың құқықтары мен заңды мүдделерін құрметтеу, құқықтық тәртіпті сақтау және мемлекеттік институттарға деген сенімді нығайту мәселелері талқыланды.

Осындай іс-шараларды өткізу мемлекеттік қызметшілердің құқықтық сауаттылығын арттыруға, заңға бағыну мәдениетін қалыптастыруға және мемлекеттік органдар қызметінің тиімділігі мен ашықтығын қамтамасыз етуге ықпал етеді.