Басқармада студенттер мен колледж оқушыларына арналған Ашық есік күні өтті

20 мамырда «Қостанай облысы әкімдігінің құрылыс, сәулет және қала құрылысы басқармасы» ММ-де Қостанай облысындағы жоғары оқу орындарының студенттері мен колледж оқушыларының қатысуымен Ашық есік күні өтті.

Іс-шара барысында қатысушылар басқарманың негізгі қызмет бағыттарымен, құрылыс, сәулет және қала құрылысы салаларында жүзеге асырылып жатқан жобалармен танысты, сондай-ақ өндірістік тәжірибеден өту және болашақ кәсіби даму мүмкіндіктері туралы ақпарат алды.

Басқарма мамандары мемлекеттік қызметтің ерекшеліктері туралы айтып, қатысушылардың сұрақтарына жауап беріп, саладағы жұмыс тәжірибесімен бөлісті.

Осындай іс-шаралар жастардың құрылыс және сәулет саласындағы мамандықтарға қызығушылығын арттыруға және болашақ мамандардың кәсіби бағдарын қалыптастыруға ықпал етеді.