Әулиекөл ауданының Құсмұрын ауылында «Келешек мектептері» жобасы бойынша салынған мектепте ауыл оқушылары жаңа оқу жылын қарсы алды
Оқу жылының бірінші күні Қостанай облысы Құсмұрын ауылының оқушылары үшін "Келешек мектебі"ұлттық жобасы бойынша салынған мемлекеттік тілде оқытатын заманауи жаңа мектеп өз есігін айқара ашты.
Құрылысына 3,5 млрд. теңге бөлінген 300 орындық Құсмұрын ауылының №1 жалпы білім беретін мектебі балаларға табысты білім беру үдерісі үшін сапалы жағдай жасайды.
Оқу кабинеттері әлемдік талаптарға жауап беретін және педагогтар мен оқушыларға ғылыми жұмыстарды әзірлеуде жасанды интеллектті пайдалануға және виртуалды эксперименттер жасауға мүмкіндік беретін интерактивті жабдықтармен қамтамасыз етілген.
Салтанатты жиында облыс әкімі Құмар Иыбайұлы Ақсақалов оқушыларды, ата-аналарды және ұжымды жылы лебізімен құттықтады.
Мектепте 24 оқу кабинеті бар. Биотехнология және нанотехнология бойынша оқу зертханалары бар физика, химия, биология пәндері кабинеттері, робототехника кабинеті және компьютерлік сыныптар, STEM-зертхана заманауи жабдықтармен жабдықталған.
Заманауи станоктармен жабдықталған "үй мәдениеті" және тігін жабдықтары бар "Дизайн және технология" жаңа шеберханалары, аспаздық кабинеті оқушыларға ересек өмірге қажетті дағдыларды алуға көмектеседі.
Кең спорт залы толығымен спорттық жабдықтармен жабдықталған, ал хореография залы жас бишілерді қабылдауға дайын.
Оқушыларды жан-жақты дамыту және педагогтардың белсенді жұмысы үшін акт залы, оқу залы бар заманауи кітапхана және жайлы коворкинг аймақтары жұмыс істейді.
Мұның бәрі оқушылардың білім сапасын арттыруға, қабілеттері мен таланттарын ашуға, өскелең ұрпақтың ғылыми және шығармашылық әлеуетін дамытуға бағытталған.
Бұл облыста "Келешек мектебі" ұлттық жобасы аясында ашылған бесінші және ауылда ашылған екінші мектеп. Жоба бойынша өңірде барлығы 4500 орындық 6 мектеп ашылады.
Бұл өңірдегі оқушы орындарының тапшылығы мәселесін шешуге, қазақстандықтардың жаңа буынын жан-жақты дамыту үшін барлық қажетті жағдайларды жасауға мүмкіндік береді.