Сарыкөл ауданы әкімінің Веселоподол ауылдық округі тұрғындарымен есептік кездесуі

2025 жылғы 28 мамырда Веселоподол жалпы білім беретін мектебінің акт залында Сарыкөл ауданының әкімі Шымырбеков Марат Лесбекұлының Веселоподол ауылдық округінің тұрғындарымен есептік кездесуі өтті.

Кездесу барысында аудан әкімі өткен жыл ішіндегі ауданның әлеуметтік-экономикалық дамуы туралы жан-жақты есеп беріп, болашаққа арналған негізгі даму бағыттары мен жоспарларымен бөлісті. Инфрақұрылымды жаңғырту, ауыл шаруашылығын дамыту, білім беру мен медициналық қызметтердің сапасын арттыру, абаттандыру жұмыстары және шағын және орта бизнесті қолдау мәселелері қозғалды.

Кездесу аясында сондай-ақ есеп берді:

• Веселоподол ауылдық округінің әкімі Мейрембаев Жақсылық Жұмадиұлы – ол ауылды абаттандыру бағытында атқарылған жұмыстар туралы баяндады: жолдарды жөндеу, көшелерді санитарлық тазалау, көгалдандыру және көше жарықтандыру мәселелері қозғалды;
• Ауылдық учаскелік полиция инспекторы, полиция капитаны Танкебаев Данияр Абдрахманұлы – округ аумағындағы құқықтық тәртіп, құқықбұзушылықтардың алдын алу және қоғамдық қауіпсіздікті қамтамасыз ету шаралары туралы баяндама жасады;
• Сарыкөл аудандық полиция бөлімінің бастығының бірінші орынбасары, полиция майоры Қошанов Чингиз Тұрлыбекұлы – тұрғындарды алаяқтықтың және нашақорлықтың алдын алу бойынша жүргізіліп жатқан профилактикалық жұмыстармен таныстырды.

Кездесу барысында тұрғындар белсенділік танытып, су мәселесі, жолдардың жай-күйі және ауыл өміріне қатысты өзекті мәселелерді көтерді. Әрбір сұрақ бойынша нақты түсініктемелер беріліп, бірқатар мәселелер бақылауға алынды.

Кездесу соңында аудан әкімі тұрғындарға белсенді қатысқаны үшін алғысын білдіріп, ауылдық округтің дамуына қатысты мәселелерді бірлесе шешудің маңыздылығын атап өтті.