Қазақстандық оқушылар планетаның ең мықты химиктері атанды: Icho-2025-те төрт медаль

Қазақстандық оқушылар планетаның ең мықты химиктері атанды: Icho-2025-те төрт медаль
Олимпиада 5-14 шілде аралығында Біріккен Араб Әмірліктерінде өтті. Әлемдегі ең беделді зияткерлік жарыстардың біріне әлемнің 93 елінен 360-тан астам оқушы қатысты. Қазақстанның төрт өкілі де тамаша нәтиже көрсетіп, планетаның үздік жас химиктері атағын тағы да растады.
I орын-Кирилл Ким, Астана қ. Назарбаев Зияткерлік мектебінің 12 сынып оқушысы
I орын-Абылай Қабдулхадыр, Астана қ. Назарбаев Зияткерлік мектебінің 12 сынып оқушысы
II орын-Еңлік Бақытбекова, Алматы қаласы Назарбаев Зияткерлік мектебінің 12 сынып оқушысы
II орын-Ансар Жақсылықов, Ақтөбе облысының "Білім-инновация" мектеп-лицейінің 10 сынып оқушысы
Ұлттық құраманың ғылыми жетекшілері — Korea Advanced Institute of Science and Technology (KAIST) магистранты Санжар Бегдаир, халықаралық және республикалық олимпиадалардың жеңімпазы, сондай — ақ халықаралық және республикалық олимпиадалардың бірнеше дүркін жеңімпазы Ринат Илусизов болды.
ҚР Білім Министрлігінің "Дарын" РҒПО қолдауымен команда бірнеше халықаралық оқу-жаттығу жиындарына қатысып, биылғы еуропалық және халықаралық олимпиадаларда 100% нәтиже көрсетті.

Анықтама: бұл Олимпиада Қазақстан Республикасы Президентінің тапсырмасы бойынша ақшалай сыйақымен қамтамасыз етілген оқушылар арасында планетаның ең беделді жеті пәндік олимпиадасына кіреді: алтын медаль үшін — 1 500 АЕК, күміс үшін — 1 000 АЕК, қола үшін — 500 АЕК. Тәлімгерлер үшін де көтермелеу қарастырылған. Естеріңізге сала кетейік, өткен жылы қазақстандық оқушылар IChO-2024-те 2 алтын, 1 күміс және 1 қола жеңіп алды.