2024 жылдың 1 қаңтарынан бастап Волонтерлік қызмет тізілімін жүргізудің жаңа Ережелері күшіне енді.

Тізілімді волонтерлер мен волонтерлік ұйымдардың ерікті негізде ұсынған деректері негізінде Қазақстан Республикасының Мәдениет және ақпарат Министрлік жүргізеді.

Тізілімге кіру үшін волонтерлер мен волонтерлік ұйымдар өз қызметі туралы ақпаратты (волонтерлік қызметтің негізгі түрлері, волонтерлердің саны, жүзеге асырылып жатқан жобалар және т.б.) volunteer@mki.gov.kz электрондық мекенжайына жібереді.

Тізілімге енгізу немесе бас тарту хабарлама арқылы ресімделеді және Өтініш берушіге электрондық пошта арқылы жіберіледі.

Қазіргі уақытта «Жыл волонтері» халықаралық сыйлығын беру қағидаларына өзгерістер енгізіліп жатқанын және онда міндетті тармақ тізілімде тіркелу болатындығын қосымша хабарлаймыз.

Ережелермен сайтында келесі сілтеме бойынша танысуға болады: https://adilet.zan.kz/rus/docs/V1700015101