Құрметті аудан тұрғындары және қонақтар!

Баршаңызды келе жатқан Жаңа 2023 жылмен құттықтаймын!

Барша адамзат бұл күні өткенді ой елегінен өткізіп, саралап, Жаңа жылға таза ниетпен, болашаққа деген мол сеніммен қадам басқанды қалайды.

Қазақстан үшін парасат пен пайымға толы тағы бір жыл ХХІ ғасыр қойнауына еніп барады.

Халқымызда «Өткен жылға өкпе жоқ, келер жылдан үміт көп» деген даналық сөз бар. Біз қашанда өткенге салауат айтып, болашақтан жақсылық күткен халықпыз.

2022 жыл еліміз үшін тарихи жыл болды. Биыл Республика Қарулы Күштерінің құрылғанына 30 жыл толды, сондай-ақ біз Қазақстанның Мемлекеттік рәміздерінің құрылғанына 30 жыл толуын атап өттік. Ерекше күн-көрнекті ағартушы, реформатор-ғалым, қазақ лингвистикасы мен әдебиеттануының негізін қалаушы Ахмет Байтұрсыновтың 150 жылдығы. Сонымен қатар, биылғы 2022 жыл ел президенті Қасым-Жомарт Тоқаевтың Жарлығымен балалар жылы болып жарияланды.

        Тәуелсіз елімізге толайым жетістіктер сыйлаған 2022 жылды Сарыкөл  ауданы табысты қорытындылап отыр.

 Ауданның әлеуметтік-экономикалық дамуы, абаттандыру, су құбырын тарту, әлеуметтік сала нысандарын және жолдарды жөндеу бойынша бірқатар маңызды іс-шаралар атқарылып, тұрғындардың өмірі  сапасын жақсарту бағытындағы жұмыстар өз жалғасын табады. Ол үшін бізге тек қана ауызбіршілік пен тұрақтылық керек.

Келер жыл өмірімізді мәнді оқиғаларға, татулық пен жасампаздыққа толтырғай!  Ортақ шаңырағымыздың жарқын келешегі үшін еңбектеніп жүрген барша азаматтарға бейбіт өмір, тыныштық, мол жақсылық тілеймін.