Әлеуметтік желілердегі «QURMET» челленджі

Әлеуметтік желілердегі «QURMET» челленджі

Әлеуметтік желілердегі «QURMET» челленджі

 

Мақсаты:

Өзара құрмет мәдениетін, адамға, оның таңдауы мен жеке шекарасына ұқыпты әрі жауапкершілікпен қарауды насихаттау; мәжбүрлеу мен зорлық-зомбылықтың кез келген түріне нөлдік төзімділікті қалыптастыру.

 

Міндеті:

Өз парақшаңызда «QURMET» челленджін қолдайтын жазба немесе бейнежазба жариялап, құрмет пен жеке шекараның сіз үшін нені білдіретінін қарапайым әрі шынайы тілмен баяндау.

 

  1. Жарияланым форматы (МІНДЕТТІ)

Негізгі жарияланым парақшаңыздың лентасында орналастырылуы тиіс (тек сторис қана емес).

 

Таңдау бойынша форматтардың бірі:

  • 60 секундқа дейінгі бейнеүндеу;
  • жеке мәтіні бар фото;
  • рилс / қысқа ой-толғау бейнежазбасы;
  • өмірден алынған оқиғасы бар пост.

 

Маңызды:

Тек сторис форматында жарияланған материал челленджге қатысу болып саналмайды.

 

Қосымша (қалауыңыз бойынша, әсерін күшейту үшін):

  • челленджді атап өтетін 1–3 сторис;
  • өз жарияланымыңызды сториске репост жасау;
  • эстафетаны жалғастыру үшін 1–3 адамды белгілеу.

 

Форматы – тірі, шынайы, бірінші жақтан баяндалуы тиіс.

  1. Не туралы айтуға болады?

Бір немесе бірнеше тақырыпты ашуға болады:

  • құрмет - шексіз еркіндік емес, өзара жауапкершілік;
  • үлкендерге, балаларға, әйелдер мен ерлерге, әртүрлі адамдарға құрмет көрсету;
  • құрмет – қазақстандық мәдени кодтың бір бөлігі: үлкенді сыйлау, көршілік қарым-қатынас, отбасы мен адамға ұқыпты қарау;
  • кемсіту мен қысымсыз қарым-қатынас мәдениеті;
  • күнделікті өмірден алынған мысалдар: отбасы, аула, жұмыс, интернет;
  • отбасында, қарым-қатынаста, жұмыстағы жеке шекаралар;
  • қарапайым сыпайылықтың айналадағы атмосфераны қалай өзгертетіні;
  • құрметтің қоғамды қалай қауіпсіз ететіні туралы.

Тоны – қолдаушы әрі адами. Ойды қарапайым өмірлік оқиға арқылы жеткізуге болады.

 

  1. Міндетті элементтер

Месседждердің бірі (таңдау бойынша):

  1. «QURMET» – бұл өзгенің таңдауына, уақытына, жеке кеңістігі мен пікіріне құрметпен қарау.
  2. «QURMET» – өзгенің таңдауын сыйлау. Зорлық-зомбылық пен мәжбүрлеуге жол жоқ.
  3. «Мен үшін QURMET» – «жоқ» деген сөз «жоқ» дегенді білдіреді және жеке шекаралар сақталады.
  4. Әрбір адам өз таңдауына құқылы. Бұл – QURMET.
  5. «QURMET» – мәжбүрлеу емес, тыңдай білу және түсіну.

Хэштегтер:

#Qurmet

қосымша: #Құрмет #ҚауіпсізҚоғам

  1. МІНДЕТТІ: челленджді жалғастыруға шақыру

Посттың соңында аудиторияға челленджге қосылу туралы үндеу жасалуы тиіс. Төмендегі тұжырымдардың бірін қолдануға болады:

  • «#Qurmet челленджіне қосылыңыздар және құрмет пен жеке шекараның сіз үшін нені білдіретінін бөлісіңіздер».
  • «Челленджді ары қарай жалғастырамын: QURMET туралы өз оқиғаңызбен бөлісіп, достарыңызды белгілеңіздер».
  • «Құрметті бірге қалыпты құндылыққа айналдырайық, #Qurmet челленджін қолдаңыздар».

Эстафетаны жалғастыру үшін 1–3 достарыңызды немесе блогерді белгілеу ұсынылады.

  1. Пост үлгісі

Біз бәріміз бір-бірімізге жақын өмір сүріп жатырмыз:

бір аулада, бір қалада, бір елде.

Бірақ кейде ең қарапайым нәрсені – құрметті – ұмытып кетеміз.

QURMET – бұл:

  • кемсітусіз сөйлеу,
  • өзге пікірді тыңдай білу,
  • адамның таңдауын сыйлау,
  • бір-біріміздің қадір-қасиетімізді сақтау.

Бұл – күрделі нәрсе емес. Бұл – қарапайым адамгершілік.

Әрқайсымыз өзімізден бастасақ, қоғамымыз жылырақ әрі қауіпсіз бола түсетініне сенемін.

QURMET – қасыңдағы адамды құрметтеу. #Qurmet

Челленджді қолдаңыздар – QURMET сіз үшін нені білдіретінін бөлісіп, жалғастыратын адамдарды белгілеңіздер.

 

  1. Жол берілмейді:
  • өшпенділік тілі және адамдарды «жақсы» мен «жаманға» бөлу;
  • жынысына, жасына, көзқарасына байланысты айыптау;
  • радикалды үндеулер мен агрессия;
  • құрмет идеясына қатысы жоқ саяси тақырыптарды талқылау.

 

  1. Мерзімдер мен платформалар:
  • жариялау кезеңі: 9–13 ақпан
  • платформалар: Instagram / TikTok / Facebook