Бүгін Рудный қаласы әкімінің орынбасары Қоқышев Сәкен Балғабайұлы мемлекеттік мекемелер мен ұйымдардың басшыларымен жұмыс кеңесін өткізіп, мамыр айында жоспарланған іс-шаралардың өткізілу тәртібін талқылады.

Бүгін Рудный қаласы әкімінің орынбасары Қоқышев Сәкен Балғабайұлы мемлекеттік мекемелер мен ұйымдардың басшыларымен жұмыс кеңесін өткізіп, мамыр айында жоспарланған іс-шаралардың өткізілу тәртібін талқылады.
Кеңес барысында алдағы мерекелік және қоғамдық мәні бар шараларға дайындық барысы қаралып, әрбір іс-шараның мазмұны мен өткізу мерзімдері нақтыланды. Басқосу кезінде барлық жоспарланған іс-шараларды жоғары деңгейде ұйымдастыру және үйлестіру бойынша нақты тапсырмалар берілді.
Сәкен Балғабайұлы іс-шаралар барысында қала тұрғындары мен қонақтарының қауіпсіздігін қамтамасыз ету мәселесіне ерекше назар аударды. Ол тиісті қызметтерге қоғамдық тәртіпті сақтау және жол қауіпсіздігін қамтамасыз ету бойынша қосымша шаралар қабылдауды тапсырды.
Сондай-ақ, қызметтік автокөліктерді қызметтен тыс уақытта заңсыз пайдалану жағдайлары қаралды. Әкімнің орынбасары мекеме басшыларына автокөліктерді пайдалану тәртібін қатаң бақылауға алуды тапсырып, белгіленген талаптарды бұзғаны үшін жауапкершілік бар екенін еске салды.
Әкімнің орынбасары барлық тартылған мекемелер арасында уақытылы әрі тиімді байланыс орнатудың маңыздылығын атап өтті. Онымен қоса, әрбір іс-шараны сапалы дайындау, барлық мүдделі тараптардың қатысуын қамтамасыз ету және дайындық жұмыстарын белгіленген мерзімде аяқтау қажеттігін ескертті.