Үйде күтім көрсету жағдайында арнаулы әлеуметтік қызмет көрсетуге құжаттар ресімдеу

Үйде күтім көрсету жағдайында арнаулы әлеуметтік қызмет көрсетуге құжаттар ресімдеу» мемлекеттік қызметін 1, 2 топтағы мүгедегі бар адамдар, мүгедектігі бар балалар, қарттар, мүгедектігі бар адамды абилитациялау мен оңалтудың жеке бағдарламасында (АОЖБ) ұсынымдары бар 1 және 2 топтағы мүгедектік болғандар, тұратын өңірдің аумағында еңбекке қабілетті кәмелетке толған балалары жоқ жасына байланысты зейнеткерлер ресімдей алады.

Өтінішті электрондық цифрлық қолтаңба (ЭЦҚ) болған жағдайда        «E-gov» электрондық үкімет веб-порталы арқылы немесе «Азаматтарға арналған үкімет» мемлекеттік корпорациясы» коммерциялық емес акционерлік қоғамы (ХҚКО) арқылы беруге болады. Міндетті құжаттар тізіміне медициналық карта, балалар үшін – психологиялық-медициналық педагогикалық кеңестің қорытындысы, зейнеткерлер үшін – зейнет жасын куәландыратын құжат туралы мәліметтер кіреді.

Әлеуметтік қызметтер порталында (ЖӨБ) үйде қызмет көрсету ұйымын таңдау үшін өтініш берушілердің электрондық-цифрлық қолтаңбасы (ЭЦҚ) болуы қажет.

Үйде күтім көрсету жағдайында арнаулы әлеуметтік қызметтерді ұсыну бойынша ақпаратты 2-45-04 телефоны арқылы алуға болады.