Бүгін Рудныйға Дариға Назарбаева келді

Бүгін Рудныйға Нұрсұлтан Назарбаев Қорының директоры Д.Н. Назарбаева және Қостанай облысының әкімі А. Б. Мұхамбетов келді. Олар «Қамқорлық» балаларды оңалту орталығында және № 17 мектепте инклюзияны қолдау кабинетінде болды.
Сапар барысында оңалту орталығының басшысы С. Н.Бикбулатова жыл соңына дейін 500 бала тегін оңалтуды алатынын, ашылған сәттен бастап 340 бала емделгенін атап өтті.
Бұл орталықта кәсіби дайындықтан және оқытудан өткен мамандар (реабилитологтар, ЕДШ нұсқаушылары, логопедтер, дефектологтар, эрготерапевтер, психологтар) жұмыс істейді.
Мұнда жұмыс заманауи жабдықтардың көмегімен жүргізілуде, оны сатып алуды Samruk-Kazyna Trust әлеуметтік жобаларды қолдау қоры қаржыландырды. Осының арқасында орталықта нейро-ортопедиялық, оның ішінде церебральды сал ауруы бар балалар (1 жастан 18 жасқа дейін) білікті көмек алады.
Жұмыс сапары аясында Д.Н. Назарбаева Рудный қаласының №17 орта мектебінде орналасқан инклюзияны қолдау кабинетіне барды. Кабинеттің міндеті-ерекше қажеттіліктері бар баланы құрдастарымен бірге сыныпта оқуға дайындау, оқу процесі кезінде сүйемелдеу. Жыл бойы ИҚК мамандарының сүйемелдеуімен 12 бала бар.
Қостанай қаласында жүргенде Д.Н. Назарбаева «Қостанай дарыны» өңірлік ғылыми-практикалық орталығындағы Qabilet кабинетіне барып, «Мың бала» ұлттық олимпиадасының жеңімпаздарымен, қола медаль иегерлерімен, тәлімгерлермен және «Елбасы медалі» бағдарламасының қатысушыларымен кездесу өткізді.
⠀Бұл жобалар Қазақстанның Тұңғыш Президенті Нұрсұлтан Назарбаевтың «Ел үміті» бастамасының бір бөлігі болып табылады.