270.00-нысан: Қандай зейнеткерлер декларация тапсыруға міндетті

Жалпыға бірдей декларациялаудың төртінші кезеңінің күшін жоюына және Қазақстан Республикасының жаңа Салық кодексінің қолданысқа енгізілуіне байланысты мемлекеттік қызметтен зейнеткерлікке шыққан бұрынғы мемлекеттік қызметшілер енді жыл сайын 270.00-нысан бойынша кірістер мен мүлік туралы декларация тапсыруға міндетті емес.

Декларация тек азаматтың мемлекеттік қызметте нақты жұмыс істеген күнтізбелік жылы үшін ғана ұсынылады.

Есептілікті тапсыру мерзімі – есепті жылдан кейінгі жылдың 15 қыркүйегінен кешіктірілмей.

Алдағы уақытта 270.00-нысан бойынша декларация тапсыру міндеті тек мынадай жағдайларда туындайды:
– шетелде орналасқан жылжымайтын мүліктің, көлік құралдарының немесе компаниялардағы үлестердің болуы;
– шетелдік банктердегі шоттарда 1 000 АЕК-тен асатын қаражаттың болуы;
– құны 20 000 АЕК-тен асатын ірі сатып алулардың жасалуы;
– дербес салық салынуға жататын табыстардың алынуы.

Егер мұндай активтер немесе табыстар болмаса, декларация тапсыру талап етілмейді.